من غير مناسبه
حبك عشش فى قلبى عمله ازمه
من اول نظره سحرتيه
علمتيه ازاى يسرع نبضاته
يمكن يقف بس وقفته كان يبألها لازمه
غمضتى عنيه
ما كنتش اشوف الا ملامحك
عيشتينى فى دنيا الاحلام
زمن فيه الحب ضاع
عايشين فى عصر الصراع
كنت فاكر انى لاقيته
الحب الافلاطونى!!!!!!
اللى كنا بنسمع عنه
اصلك سقتينى مره
ما أنت كنت عسل مدسوس فيه سمه
لما بعتينى
ونسيتى الحب اللى كان
هو كان؟
بالنسبالى كان
مش عارف انت كان؟؟
ولا اصلا ما كان؟؟
أترينى صحيت على حلم
كان اصله سراب ووهم
ومهما اعتذرتي
مش ممكن اقبل كلمه اسف
أو عتاب ممزوج بأسى
وانك ندمانه
لأنك طعنتينى فى مقتل
يعنى يا ريت كنت مت أحسن
بدال ما أعيش وأنا ميت
وهى كلمه تسمعيها
لو فاكره انك شاطره
والغرام ده كلمه سازجه
تبأى عشتى وكأنك ما عشتى
وعمرك هدر
دا العمر كله ما يسواش لحظه سهر
فيها نناجى القمر
يقولنا على اللى كان أيام زمان
نحكيله الأشجان
وف آخر الكلام
أنت الخسران
واطلب من ربنا الغفران
وسلام يا حب سلام
فى بدايتك كنت سكران
وف آخرك كانت الأحزان
سلام يا حب سلام
وعلى العاشقين الملام
ما عرفناش اللى كان
يمكن ما سمعتوش زمان
لكن الآن وبعد فوات الأوان
عرفت ايه اللى صاروما ندمتش على الهجران
لأنه كان فيه الدوا
ما هو قصتى كانت الداء اللى صنع لى الدوا
السبت أغسطس 18, 2007 3:59 pm